Jamnagar Updates

 જામનગર : સમગ્ર રાજ્યની સાથે સાથે જામનગર શહેર અને જિલ્લામાં પણ કોરોનાની બીજી લહેરમાં મહામારીએ કહેર સર્જ્યો છે અને તમામ હોસ્પિટલો દર્દીઓથી ભરચક બની છે. સાથોસાથ મૃત્યુદર પણ સતત વધી રહ્યો છે.  જામનગરમાં કોરોના હોસ્પિટલમાં સારવાર લેતા દર્દીઓ અવસાન પામે ત્યારે તેઓના મૃતદેહના અંતિમ સંસ્કાર કોરોના ગાઈડલાઈન મુજબ થતાં હોય છે.  સરકાર તરફથી આ સેવા શહેરની મોક્ષ ફાઉન્ડેશન નામની સંસ્થા ને સોંપવામાં આવી છે, અને સંસ્થા ના પ્રમુખ શ્રી વિક્રમસિંહ ઝાલાના માર્ગદર્શન હેઠળ તેમની સમગ્ર ટીમ વિતેલા વર્ષના કપરાં કાળ થી લઈને અવિરત કાર્યરત છે.  છેલ્લા બે સપ્તાહથી મૃત્યુની સંખ્યામાં બેસૂમાર વધારો થયો છે.... અને દરરોજના સરેરાશ ૭૦ થી ૮૦ મૃતદેહોના અંતિમ સંસ્કાર કરવામાં આવી રહ્યા છે. દિવસ-રાત આ પ્રકારની કામગીરી કરતાં - કરતાં ફાઉન્ડેશનના કેટલાય સ્વયંસેવકો પણ બિમાર પડ્યા છે.  વળી મૃતક દર્દીઓના પરિવારના સભ્યો પણ અંતિમ સંસ્કારની પ્રક્રિયામાં ખુબજ ઓછા પ્રમાણ માં સામેલ થતાં હોવાથી જરૂર પડ્યે કફન, નનામી, ટ્રાન્સપોર્ટ સહિતનો ખર્ચ પણ આ સંસ્થા જ ઉઠાવે છે.  આથી મોક્ષ ફાઉન્ડેશનની પ્રવૃત્તિથી પ્રેરાઈને...

  જામનગર શહેર-જિલ્લામાં કોરોનાથી મૃત્યુદરમાં વધારો થતાં નોનકોવિડ મૃતદેહોના અગ્નિ સંસ્કાર માટે પણ મુશ્કેલી ઉભી થઇ છે. હિન્દુ ધર્મ મુજબ શબના અંતિમ સંસ્કાર જમીનથી ઉપર લોખંડની ફર્નેશ એટલે કે લોખંડના ટેકા ઉપર રાખીને પૌરાણિક રીતે કરવામાં આવે છે. હાલ કોરોનાના કારણે મૃત્યુદર વધ્યો છે ત્યારે સ્મશાનની ઈલેક્ટ્રીક તેમજ લાકડાની ફર્નેશ ટૂંકી પડી રહી છે. સ્મશાનમાં હાલ 2 ઈલેક્ટ્રીક ફર્નેશ કાર્યરત છે, જેમાં સતત કોરોનાથી મૃત્યુ પામેલા નાગરિકોના અગ્નિ સંસ્કાર થતાં રહે છે. આદર્શ સ્મશાનગૃહમાં લાકડાની 3 ફર્નેશ છે પણ શુક્રવારે એ ત્રણેય ફર્નેશમાં પણ મૃતદેહો હતાં અને અંતિમ સંસ્કાર માટે વૃદ્ધનાે ચોથો મૃતદેહ પણ આવ્યો હતો આથી તેને જમીન પર લાકડા ગોઠવીને અગ્નિદાહ આપવો પડયો હતો.

  જામનગર : જોડિયા પંથકમાં અવારનવાર ખનીજ ચોરી થતી હોવાની ફરિયાદો ઉઠવા પામી છે. ત્યારે આજે જોડિયા તાલુકાના બાદનપર અને કુંન્નડ ગામ વચ્ચે આવેલી નદીમાંથી ગેરકાયદેસર રેતીની ચોરી પર જામનગર ખાણ ખનીજ અને જોડીયા પોલીસ સ્ટેશનના પીએસઆઇ ડીપી ચુડાસમા સહિતના સ્ટાફે દરોડો પાડયો હતો અને રેતી ચોરી કરતા 11 ટ્રેક્ટર અને એક લોડર ઝડપી લીધું હતું. જોડિયા તાલુકાના બાદનપર અને કુંન્નડ ગામ વચ્ચે આવેલી નદીમાંથી ગેરકાયદેસર રેતીની ચોરી થતી હોવાની ફરિયાદો ઉઠવા પામી હતી. આ અંગે ધારાસભ્ય અને જિલ્લા પંચાયત પ્રમુખની ફરિયાદ બાદ આજે કાર્યવાહી કરાઇ હતી. આજે જામનગર ખાણ ખનીજ અને જોડીયા પોલીસ સ્ટેશનના પીએસઆઇ ડીપી ચુડાસમા સહિતના સ્ટાફે સ્થળે દરોડો પાડયો હતો , જેમાં રેતીની ચોરી કરતા 11 ટ્રેક્ટર અને એક લોડર ઝડપી લીધું હતું. આ અંગે ખાણ-ખનીજ વિભાગે અને પોલીસ ખાતે વધું તપાસ હાથ ધરી છે.