Jamnagar Updates

  દર વર્ષે ઓગસ્ટ મહિનાનાં પહેલા રવિવારે ' વિશ્વ દોસ્તી દિવસ '  ઉજવવામાં આવે છે. દોસ્તીની વાત આવે તો સૌથી પહેલાં આપણને બાળપણની જ યાદ આવે જ્યારે આપણે કોઇ પણ ચિંતા કર્યા વગર મિત્રો સાથે મળીને તેમની સાથે મસ્તી કર્યા કરતા. ક્યારેક પતંગબાજી , ક્યારેક અંતાક્ષરી તો ક્યારેક અલગ-અલગ પ્રકારની રમત રમતા. પરંતુ જેમ જેમ મોટા થઇએ તેમ બાળપણનાં દોસ્ત જાણે ખોવાઇ જાય છે. બધા પોતાના કામમાં વ્યસ્ત થઇ જાય અને હવે માંડ એવું શક્ય બનતું હોય છે કે બાળપણાનાં મિત્ર મોટા થયા બાદ મળી શકતા હોય. જો કે કોરોના કાળમાં ગેટ ટૂ ગેધરથી બચવું જ યોગ્ય છે. ફ્રેન્ડશિપ ડે નો ઉદ્દેશ્ય પોતાના મિત્ર પ્રત્યે સ્નેહ અને આભાર વ્યક્ત કરવાનો છે જે મુશ્કેલ ઘડીમાં તમારો હંમેશા સાથ આપતા હોય છે. કહેવાય છે કે ફ્રેન્ડશિપ ડે પ્રથમ વખત ૧૯૫૮માં પરાગ્વેમાં ' આંતરરાષ્ટ્રીય મિત્રતા દિવસ ' ના રૂપમાં મનાવવાની રજૂઆત કરવામાં આવી હતી. જો કે , ત્યારબાદ આ માત્ર ગ્રીટિંગ કાર્ડ લેવા અને દેવા પુરતું જ રહી ગયું. ભારતમાં ફ્રેન્ડશિપ ડે પર ઘણા લાંબા સમયથી ફ્રેન્ડશિપ બેન્ડનું પ્રચલન છે. ફ્રેન્ડશિપ ડે ના દિવસે લોકો એકબીજાને ફ્રેન્ડશિપ બેન્ડ પહેરા...

વડોદરાના ફતેગંજ વિસ્તારમાં આવેલા એપાર્ટમેન્ટમાં દાદર મારફતે નીચે ઉતરી રહેલા 65 વર્ષના વૃદ્ધાનો હાથ પકડી 66 વર્ષના વૃદ્વે મકાનમાં ખેંચવાનો પ્રયાસ કરતા વૃદ્ધા હેબતાઈ ગઈ હતી. તેણીએ બુમરાણ મચાવતાં એપાર્ટમેન્ટના લોકો દોડી આવ્યા હતા. બનાવ અંગે ફતેગંજ પોલીસે વૃદ્ધની ધરપકડ કરી હતી.  પોલીસના જણાવ્યા અનુસાર વડોદરા શહેરના ફતેગંજ વિસ્તારમાં આવેલા એપાર્ટમેન્ટમાં 65 વર્ષના નિવૃત શિક્ષિકા રહે છે. તેઓના પતિનું વર્ષ 2006માં નિધન થવાથી તેઓ એકલવાયું જીવન ગુજારે છે. મંગળવારે તેઓ મેડિકલ રિપોર્ટ લેવા માટે ફતેગંજ રોડ તરફ જઈ રહ્યા હતા. એપાર્ટમેન્ટના ત્રીજા માળેથી નીચે ઊતરતી વેળાએ પહેલા માળે રહેતા 66 વર્ષના વૃદ્ધ આશિષ તારકસે તેમનો હાથ પકડી લીધો હતો. વૃદ્ધા કઈ સમજે તે પહેલા જ આશિષ તારકસે તેમને ઘરમાં ખેંચવાનો પ્રયાસ કર્યો હતો. જોકે હેબતાઈ ગયેલા વૃદ્ધાએ તેમનો હાથ છોડાવી બુમરાણ મચાવતા એપાર્ટમેન્ટના લોકો એકત્ર થઇ ગયા હતા. ઘટના અંગેની જાણ ફતેગંજ પોલીસને થતાં પોલીસ એપાર્ટમેન્ટ ખાતે દોડી આવી હતી. પોલીસે વૃદ્ધાને ફરિયાદના આધારે આશિષ તારકસ વિરુદ્ધ છેડતીનો ગુનો નોંધી તેને ઝડપી લીધો હતો. વૃદ્ધાએ નોંધાવેલી ફરિયાદમાં તે...

 ટોક્યિો ઓલિમ્પિકમાં ગુરવારે ભારતીય ખેલાડીઓએ સારી શરૂઆત કરી છે. બેડમિન્ટન સ્ટાર પીવી સિંધુ મહિલા સિંગલ્સની ક્વાર્ટર ફાઈનલમાં પહોંચી ગઈ છે. હોકી ટીમે અર્જેન્ટીનાને 3-1થી હરાવ્યું. તીરંદાજીમાં અતનુ દાસ 2 વખત ઓલિમ્પિક ગોલ્ડ મેડલિસ્ટને હરાવીને પુુરુષ સિંગલ્સની પ્રી ક્વાર્ટર ફાઈનલમાં પહોંચી ગયા છે. બોક્સિંગમાં પુરુષોની 91+ કિલોગ્રામ વેટ કેટેગરીમાં સતીશ કુમાર ક્વાર્ટર ફાઈનલમાં પહોંચી ગયા છે. પ્રથમ રાઉન્ડમાં બાય મેળવનાર સતીશે પ્રી ક્વાર્ટર ફાઈનલમાં જમૈકાના રિકાર્ડો બ્રાઉનને 4-1થી હરાવ્યો. સતીશે હવે મેડલ પાક્કો કરવા માટે એક જીત મેળવવાની છે. સિંધુએ પ્રી ક્વાર્ટર ફાઈનલમાં વર્લ્ડ નંબર 12 ડેનમાર્કની મિયા બ્લિચફેલ્ટને 41 મિનિટમાં 21-15, 21-13થી હરાવી દીધી. જ્યારે પુરુષ હોકીમાં ભારતીય ટીમે પૂલ એની સરખામણીમાં અર્જેન્ટીનાને 3-1થી હરાવીને અંતિમ-8માં જગ્યા પાક્કી કરી લીધી છે. પતિ-પત્ની બંને પ્રી ક્વાર્ટર ફાઈનલમાં પહોંચ્યા તીરંદાજીમાં પુરુષ સિંગલ્સમાં ભારતના અતનુ દાસે ચાઈનીઝ તાઈપેજના ડેન યુચેંગને 6-4થી હરાવીને અંતિમ 32માં પ્રવેશ કરી લીધો છે. તીરંદાજીમાં ભારતના અતનુ દાસે સાઉથ કોરિયાના ઝિનયેક ઓહને શૂટઆ...

 સાસુ-વહુના ઝઘડાનો વિચિત્ર કિસ્સો ગુજરાત હાઈકોર્ટ સમક્ષ આવ્યો હતો. પુત્રવધૂને સરકારી નોકરી મળતા સાસુએ તેની નિમણૂક રદ કરવા માટે હાઈકોર્ટમાં અરજી કરી હતી. જોકે જસ્ટિસ એ. એસ. સુપૈયાએ સાસુની ઝાટકણી કાઢી હતી અને કહ્યું હતું કે, અંગત પ્રકારનું વેર રાખીને આ અરજી કરવામાં આવી છે. કોર્ટે આકરી પૂછપરછ કરતા જાણવા મળ્યું હતું કે, અરજદાર સાસુની પુત્રવધૂએ છૂટાછેડા લેવા માટે અરજી કરી છે, જે પેન્ડિંગ છે. હાઈકોર્ટે સાસુને આ અરજી કરવા બદલ 10 હજારનો દંડ પણ ફટકાર્યો છે. રાજ્ય સરકારના રેવન્યુ વિભાગમાં પુત્રવધૂની કરાયેલી નિમણૂક રદ કરવા સામે તેની સાસુએ હાઈકોર્ટમાં અરજી કરી હતી, જેની સુનાવણી દરમિયાન જસ્ટિસ એ. એસ. સુપૈયાએ એવી ટકોર કરી હતી કે, આ પહેલા ક્યારેય આ પ્રકારની અરજી જોઈ કે સાંભળી નથી. આ ખરેખર અદભુત કેસ છે. તમારા વેરઝેરને કારણે હાઈકોર્ટનો કીમતી સમય બગડી રહ્યો છે. આ પ્રકારની અર્થહીન અરજી કરવા બદલ કોર્ટના 10 વ્યકિતનો સ્ટાફ કામે લાગે છે. તમને સમયની કિંમત કંઈ સમજાય છે? નવાઈ એ વાતની લાગે છે કે વકીલે અરજદારને આ પ્રકારની અરજી કરવા માટે પ્રોત્સાહન પણ આપ્યું છે. પુત્રવધૂએ વર્ષ-2015માં છૂટાછેડા લેવા માટે અરજી...

  ગુજરાતમાં ભાજપની સરકારમાં હવે કોઇ નેતૃત્વ પરિવર્તન નહીં આવે કે ન તો મંત્રીમંડળમાં વિસ્તરણની કોઇ શક્યતા જણાય છે. હવે ગુજરાત ભાજપ અને રાજ્ય સરકાર વિધાનસભાના વહેલા વિસર્જનના મૂડમાં છે. હાલ ગુજરાતમાં ચાલી રહેલાં રાજકીય પ્રવાહોને લઇને ગુજરાતમાં ચૂંટણીઓ વહેલી આવી શકે છે.   ભાજપના સૂત્રોના જણાવ્યા અનુસાર આ ચૂંટણીઓ ઉત્તરપ્રદેશમાં આવી રહેલી ચૂંટણીની સાથોસાથ જ યોજાઇ શકે છે. આ જોતાં ગુજરાતમાં વર્તમાન સરકાર રાજીનામું આપીને આવતાં ફેબ્રુઆરી માર્ચ મહિનામાં વિધાનસભાની ચૂંટણી સમય કરતાં સાત કે આઠ મહિના વહેલી યોજાઇ શકે છે. આ કરવા માટેના રાજકીયથી માંડીને પક્ષના આંતરિક કારણો પણ જવાબદાર છે. તે સિવાય ઉત્તરપ્રદેશમાં ભાજપના પરિણામ સારાં ન આવે તો ગુજરાત પર પણ અસર પડી શકે.   હાલ ભાજપ જે રીતે ચૂંટણી માટેની તૈયારી કરી રહ્યું છે તે તે મુજબની છે કે છ મહિનાના સમય પછી તરત જ ચૂંટણી જાહેર થઇ જશે. આમ તો ભાજપ ચૂંટણી માટેની તૈયારીઓ એક વર્ષ કે વધુ સમય પહેલા કરતું હોય છે , પરંતુ આ વખતે થોડુંક ચિત્ર અલગ છે. ચૂંટણીના સંદર્ભે અનેક નેતાઓને પ્રવાસ કરવાથી માંડીને સર્વે સહિતની તમામ કામગીરી પણ સોંપાઇ ગઇ છે. પ્ર...

  બંગાળના અખાતમાં સર્જાયેલા લો પ્રેશરને પગલે 27 જુલાઈ સુધી સમગ્ર રાજ્યમાં ભારેથી અતિભારે વરસાદની આગાહી કરાઈ છે. રવિવારે નવસારી, વલસાડ, ડાંગ, સંઘપ્રદેશમાં હવામાન વિભાગે રેડ એલર્ટ જાહેર કર્યું છે. આ ઉપરાંત સૌરાષ્ટ્ર તથા ઉત્તરગુજરાતના કેટલાક વિસ્તારોમાં પણ હળવોથી ભારે વરસાદ પડી શકે છે. છેલ્લા 24 કલાક દરમિયાન રાજ્યના લગભગ તમામ તાલુકામાં વરસાદ થયો હતો. સૌથી વધુ વરસાદ ગોંડલમાં નોંધાયો હતો. અમદાવાદમાં મોડી સાંજે વિવિધ વિસ્તારોમાં તોફાની વરસાદ થયો હતો. રવિવારે પણ અમદાવાદ શહેરમાં હળવાથી ભારે વરસાદની આગાહી કરવામાં આવી છે. ઉત્તર ગુજરાતમાં બનાસકાંઠા, પાટણ, અરવલ્લી, મહીસાગર વગેરે જિલ્લામાં પણ વરસાદ પડવાની શક્યતા છે. ગુજરાતમાં શનિવારે રાજકોટ, ગોંડલ, અમરેલી, બનાસકાંઠા, પાટણ, મહેસાણા, વડોદરા અને અમદાવાદ શહેરમાં એકથી પાંચ ઈંચ જેટલો વરસાદ ખાબક્યો હતો. ગોંડલમાં તો ચાર કલાકમાં પાંચ ઈંચ વરસાદ નોંધાયો હતો. જ્યારે રાજકોટમાં ચાર ઈંચ વરસાદ પડ્યો હતો. વેસ્ટર્ન ડિસ્ટર્બન્સને કારણે તથા બંગાળની ખાડીમાં સર્જાયેલા લો પ્રેશરથી રાજ્યના વિવિધ વિસ્તારમાં વરસાદી વાતાવરણ જામ્યું છે. જોકે રાજ્યમાં હજી પણ 8થી 10 ટકા જેટ...

  પીઆઇ દેસાઇ અગાઉ કરજણ ફરજ બજાવતા હતા અને તે સમયથી સ્થાનિક કોંગ્રેસ અગ્રણી અને વિધાન સભાની ચુંટણી લડી ચુકેલાં કિરીટસિંહ જાડેજા સાથે નિકટતા હતી. પત્નીની હત્યા બાદ પીઆઇએ કિરીટસિંહ જાડેજાની મદદ લીધી હતી, સાંજે 4 વાગે કારને કરજણથી આમોદ અને વાગરા થઇને દહેજ હાઇવે પર અટાલી લઇ ગયા હતા. જયાં અવાવરુ હોટેલની પાછળ લાશને સળગાવી દીધી હતી.કિરીટ સિંહે વટાણા વેરી દેતા હત્યાનો ભેદ ઉકેલાયો હતો. રાત્રે પીઆઇ દેસાઇ અને કિરીટસિંહ સામે પોલીસે હત્યા અને પુરાવાના નાશનો ગુનો નોંધવાની તજવીજ કરી હતી. જ્યાં પીઆઇ દેસાઇ ફરજ બજાવતા હતા, ત્યાં જ આરોપી બન્યા હતા. પોલીસે જણાવ્યું હતું કે સ્વિટી અને અજય દેસાઇએ વચ્ચે તે રાત્રે લગ્ન સંબધિત વાતને લઇ મોટો ઝઘડો થયો હતો, રાત્રે 12-30 વાગે પીઆઇ દેસાઇએ સ્વિટીનું ગળુ દબાવી હત્યા કરી હતી. ત્યારબાદ લાશને ઉપર બેડરુમમાં મુકી દીધી હતી. આખી રાત લાશને બેડરુમમાં મુકયા બાદ બીજા દિવસે સવારે જાણે કંઇ ના બન્યું હોય તેમ સવારે 10.45 વાગે પોતાની કાળા કલરની કંપાસ જીપને ઘરના દરવાજા સુધી લાવી લાશ મૂકી હતી. PI દેસાઈ તેની કાર બંગલામાંથી બહાર પાર્ક કરતા હતા પરંતુ સ્વિટી ગુમ થઈ તે રાત્રે કાર રાતના ...

  રાજ્યભરમાં કોરોના કેસ ઘટતા ગયા છે. પરંતુ હવે ત્રીજી લહેરની દહેશતને કારણે તંત્ર તૈયારીઓ કરવા લાગ્યું છે. આ દરમિયાન જ સુરત સિવિલ હોસ્પિટલમાં એક બાળકને મ્યુકોરમાઇકોસિસ થતા દોડધામ મચી ગઈ છે. 3 વર્ષના બાળકને કોરોના શંકાસ્પદ છે. ત્યારે જ મ્યુકોરમાઇકોસિસ થતા બાળકને સુરત સિવિલ હોસ્પિટલમાં ખસેડવામાં આવ્યું છે. ઉલ્લેખનીય છે કે, સમગ્ર રાજ્યમાં આટલી નાની ઉંમરના બાળકને મ્યુકોરમાઇકોસિસ થવાનો આ પ્રથમ કિસ્સો છે.